“છોડ દો આંચલ જમાના ક્યા કહેગા” આવા ગીતોના શબ્દો બોલીવુડમાં સંભળાતા હતાં. આવાં ગીતોનો જન્મ તે સમયે થયો હતો જ્યારે વાસ્તવિકતાની સાથે સાથે બોલીવુડની ફિલ્મોમાં પણ મર્યાદા જળવાતી હતી. પરંતુ ગઈકાલનું બોલીવુડ આજનું બી-ટાઉન બની ગયું છે. જેમ નાનું બાળક પુખ્ત બનતાંની સાથે તેનામાં જનરેશન-x ફેક્ટર ઘૂસી જાય તેમ બોલીવુડમાં પણ કંઈક એવું જ થયું અને બોલીવુડ બન્યું ‘એડલ્ટ’.

દિલીપ કુમાર, દેવ આનંદ જેવા કલાકારોની ફિલ્મો બાદ રાજકપૂરે પોતાના પાછળના વર્ષોના કરિયરમાં પોતાની ફિલ્મોમાં સેક્સનો મસાલો ઉમેરવાનું શરૂ કર્યું હતું. રામ તેરી ગંગા મૈલી, મેરા નામ જોકર, બોબી અને સત્યમ્ શિવમ્ સુંદરમ્ જેવી ફિલ્મો તેના ઉદાહરણો છે. ત્યાર બાદ બોલીવુડનું યૌવન ખીલતું જ ગયું અને ફિલ્મો બાદ ફિલ્મોમાં સેક્સ અને નગ્નતાની ભરમાર સાથે બોલીવુડ ‘ગ્લોબલી’ બની રહ્યું છે તેવા લેબલ સાથે ચુંબન અને ટૂંકા વસ્ત્રોના દ્રશ્યો તો સામાન્ય બની ગયાં. ફિલ્મમાં જો એક ચુંબન કે બેડ સીન ન હોય તો ફિલ્મ ન ચાલે તેવી વિચારસરણી દિગ્દર્શકોના મગજમાં ભરાઈ ગઈ. 2009ની ફિલ્મો રિલીઝ કરનાર થિયેટરના પડદા પણ ફિલ્મની શરૂઆતમાં આવતું મસમોટું સેન્સર સર્ટિફિકેટમાં ‘A’ (એડલ્ટ) કે ‘U/A’ (અન્ડર એડલ્ટ) દર્શાવતા મૂંઝાઈ જતું હશે.

વર્ષ 2009માં પણ આ જ પ્રકારની મસાલા ભરપૂર ફિલ્મો આવી. મોટા કે નાના બેનરની, હિટ કે ફ્લોપ ફિલ્મોમાં સેક્સી અને હોટ દ્રશ્યો જોવા મળ્યાં છે. જુઓ 2009માં બોલીવુડ બન્યું કેવી રીતે એકદમ ‘હોટ’